كلمات مسروقة من دفتر طفل ..

من طرف ???? الإثنين أبريل 19, 2010 4:26 pm

للأسف هذا هو واقعنا

السبت

فتحت عيوني أدور عن [ نور ]
قالوا لي : غمّض وغمضت
بعدها ما شفت { لا أبيض ولا أسود } !

الا حد :

كنت أسمعهم يقولون :
ياحمار يا حيوان يا ثور يا بقرة يا لوح يا جدار
توقعت إني في [ حديقة حيوانات ]
فتحت عيوني أبغى أشوف ه { الحيوانات }
قالوا لي : { ما يصلح تشوف قلة أدب }
سألتهم : طيب .. [ في عصفور ] ؟؟
صرخوا في وجهي : [ أنطم وغمض ] .

الاثنين :

سمحوا لي أشوف التلفزيون
كنت بروحي منسجم مع أفلام كرتون
دخلت أمي وكان أبو عائلة آدمز ( يبوس ) أمهم
ركضت أمي وغيرت القناة
وصرخت ب أعلى صوتها [عيب عليك قاعد تشوف قلة أدب ]
{ ناظرتها بكل براءة } وأنا مستغرب من تصرفها : طيب وش صار !
أبوهم يبوس أمهم !
صرخت بوجهي وهي معصبة [ التبويس قلة حياء ]
بعدها ب أسبوع شفت أمي تسلم على أم الجيران و{ تبوسها }
قلت وأنا كلي أسى : [ ماما التبويس قلة حياء ] !

الثلاثاء :

كانوا بنات خالتي عندنا وكنت الولد الوحيد اللي يلعب معهم
وأبوي بس يبحلق عيونه فيني وين ما رحت ووين ماجيت
بعد ما راحوا بنات خالتي ناداني أبوي وقال :
{ عيب الواحد يجلس مع بنات قلة أدب ]
بعدها بكم يوم كان أبوي جالس مع عماتي بروحه
ناظرته ب طرف عين وأنا حاقد عليه
وقلت له :{ بابا اللي يجلس مع بنات قليل أدب }

الاربعاء :

كنت أسمعهم بعد يقولون [ جيم كاري فاسد ] ف كرهته من قلب
وكانوا يشوفون أفلامه ويضحكون
سألتهم : ليش تضحكون ما تقولون عنو فاسد ؟
قالوا : ورا ما تنطم وتسكت !

الخميس :

كنت جالس مع أبوي قال لي ذاكرت دروسك ؟
قول الصراحة لا تكذب الكذب حرام واللي يكذب يدخل النار
وفجأة يرن التليفون
قال أبوي رد وإذا لقيته عمك قل أبوي نايم
رديت وبكل براءة : [ هلا عمي أبوي يقول لك أنه نايم ]
وينه أبوك ؟
أبوي هنا جنبي
{ بعد المكالمة }
عصب علي أبوي يالوح ماتفهم ؟
قلت بابا [ أنا ما أبغى أدخل النار ]

الجمعة :

اسمعهم يقولون :
أن اللي يطول في المكالمة [ يغازل ]
واللي يروح السوق بكثرة [ يغازل ]
واللي يعرف الإنترنت [ يغازل ]
وأنا ما أعرف معنى [ يغازل ] !!
وأمي تطّول على التلفون وتروح السوق كل يوم وتدخل الإنترنت كل يوم
رحت ل بابا وأنا أصيح : بابا إلحق { أمي تغازل }

من طرف ???? الأربعاء أبريل 21, 2010 8:44 am

والله منكد على ابوه وامو حياتهم

تقبل مروري

M16

هههههههههههههههههههههههههههههههههههههههههههههههههههه

مسكــــن

مشكووور اخوي الموضوع روووعة

من طرف ???? الأربعاء أبريل 21, 2010 2:20 pm

يســلـموو اخــوي ..

الموضوع روعــة ..

يستاهـل التقيم ..

من طرف ???? الأربعاء أبريل 21, 2010 2:42 pm

[center]تسلمين اختي على الرد الحلو ..

كلمات مسروقة من دفتر طفل ..

كلمات مسروقة من دفتر طفل ..

رد: كلمات مسروقة من دفتر طفل ..

رد: كلمات مسروقة من دفتر طفل ..

رد: كلمات مسروقة من دفتر طفل ..

رد: كلمات مسروقة من دفتر طفل ..